Кызыл хоорайда «Движение первых» уругларның болгаш аныяктарның хөй-ниити организациязының регионалдыг салбыры «Активтиң школазын» эрттирген. Ында республиканың аңгы-аңгы кожууннарындан 200 хире школачы чыылган. Хемчег ийи хүн дургузунда «Сылдысчыгаш» салым-чаяанныг уругларның регионалдыг төвүнге уламчылаан.
Элээдилер бо ийи хонукта солун хемчеглерге киришкен. Аңаа янзы-бүрү өөредиглиг шөлчүгештер ажылдаан: «Ценности первых» театр бистиң холувуста, «Ядро первичных отделений – это ты!» интерактивтиг лекция, «Город Будущего» ажыл-херекчи оюн, спортчу оюннар дээш оон-даа өске.
Активтиң школазы уругларның креативтиг угаан-бодалын сайзырадырынга, коллективке ажылдаары, лидержи салым-чаяанын илередиринге болгаш оон-даа өске чүүлдерге өөредир.
«Тываның аныяктары» солуннуң корреспондентизи хемчегниң киржикчилери-биле чугаалашкан.
Чаян Хертек, Тожу кожуунда биология башкызы:
— Тоора-Хем ортумак школазының өөреникчилери-биле келдивис. Бодум бо чылын ХКУ-ну дооскаш, школада чаа ажылдап эгелээн мен. Кичээлдерден аңгыда, улуг вожатый база болуп ажылдап тур мен. Баштайгыларның мурнундан бир дугаар улуг хемчегде киржип келдим. Бодум-даа, школачыларым-даа аажок сонуургап тур бис.
Александра Дажы-Лама, Наталья Артемкина, Тоора-Хем ортумак школазының 11-ги классчылары:
— Баштайгыларның төлевилелдери биске солун. Кижи бүрүзү бодунуң төлевилелин тургузуп, амыдыралга боттандырып болур. Региоанлдыг хемчеглерден аңгыда, школавыска база янзы-бүрү хемчеглерни эрттирип турар бис: турслеттар, кожуунувуска актив школазының биче хемчээли дээш оон-даа өске.
Хемчегниң дугайында долузу-биле Тывада «Движение первых» организацияның удуртукчузу Эртине Куулар тайылбырлаан
Алена Нан-Хоо, авторнуң фото болгаш видеоматериалдары.
