Өвүрде аныяк эмчи

«Көдээ черниң эмчизи» деп федералдыг программа-биле Өвүр кожууннуң Саглы сумузунда Иркутск хоорайның эмчи университедин дооскан терапевт эмчи Урана Ховалыг бо чайын ажылдап чедип келген.

Ол 2012 чылда эмчи университединче өөренип киргеш, 2019 чылда «Участок терапевт» деп тускай эртемниг дооскан. Өөренип турган чылдарында Иркутск областьтың бичии уруглар эмнелгезинге лаборантылап ажылдап турган. 2019 чылда университетти дооскаш, ординатурага дерматовенерология талазын 2021 чылда дооскан. Ооң соонда Иркутск областьтың Железногорск хоорайга мергежилиниң аайы-биле 9 ай ажылдаан.
2022 чылдың июнь айның төнчүзүнде «Көдээ черниң эмчизи» деп программа-биле Тываның Кадык камгалал яамызының мурнундан Өвүр кожууннуң төп эмнелгезиниң Саглыда эмчи амбулаториязынга улуг эмчи кылдыр ажылдап чедип келген.
Саглы сумузунуң чурттакчы чонунга терапевт эмчи кончуг херек турган. Бо айтырыгны Тываның Чазааның Баштыңы Владислав Ховалыгже айтырыг-дилег кылдыр 2022 чылдың эгезинде киирип турган. Владислав Ховалыгның даалгазы-биле кадык камгалал яамызы айтырыгны шиитпирлээн. Ам бо хүнде аныяк терапевт эмчи ажылдай бергенинге чон өөрүп турар.

#Земскийдоктор #Овюрскийкожуун #Саглы

Предыдущая запись
Маадырның авазынга дузалашкан
Следующая запись
#БИСКАДЫБИС — чоок улузунга дуза чугула херек
Меню