Бо чылдың аныяктарга эң-не каас-чараш, уттундурбас болуушкуну декабрь 15-те болур. Ол дээрге идепкейжи болгаш инициативтиг аныяктарның балы-дыр.
Сагыш-сеткилди доюлдуруп кээр вальстың аялгалары, мазурка, полька болгаш байырланчыг полонез самы, өңгүр-чараш платьелер, оолдарның чараш костюмнары, люстраларның чайынналчак херелдери балды каастаар. Хоорайның идепкейжи аныяктары онзагай болуушкунну четтикпейн манап турар.
Аңаа хоорайның «Эң-не тергиин аныяктарның хөй-ниити организациязы-2022» мөөрейни түңнээр. «Чылдың волонтеру» атты илередир.
Тодаргайы-биле 2-17-07 телефон дугаарынче долгааш, билип ап болур.
