2020 чылдың чедиишкиннери
2020 чыл тыва аныяктарга чедиишкинниг болганы чугаажок. Оларның аразында спортчуларывыс Начын Куулар, Чаяан Монгуш, Татьяна Сонгуваа, Мурнуу Көреяның организастааны «Face of Asia» мөөрейниң тиилекчизи, тыва кыс, модель Чечена Кыргыстың болгаш өскелерниң-даа чедиишкиннеринге чаңгыс чер-чурттуглары чоргаарланмас аргажок.
Солунувустуң бо үндүрүлгезинде чоокта чаа НТВ Бүгү-россия телеканалынга болуп эрткен «Ты — супер!» деп делегей чергелиг ыры мөөрейинге Тываның салым-чаяанныг оглу, кызы Ай-кыс Кыргыс биле Денберел Ооржактың ийилээ тиилээнинге хамаарыштыр материалывысты чырыттывыс. Бодап-даа көөрге, өске чурттар хамаанчок, чүгле Россияның 85 регионнарында безин сая-сая чурттакчылыг чеже улуг хоорайлар бар-дыр! Бүгү Тываның чурттакчы чону ол улуг хоорайларның бир району-биле дең, харын-даа оон эвээш-даа чыгыы.
Ол хиреде 3 борбак шаңналдыг черлиг делегей чергелиг «Ты — супер!» ыры мөөрейинге амыр эвес, шыңгыы шылгалдаларны төлептиг эрткеш, Ай-кыс Кыргыс биле Денберел Ооржак ийилээ бирги черни чаалап ап, дакпырлап тиилээни бүгү Россияга-даа, делегейге-даа болбаан болуушкун бооп турар! Тыва кижи бүрүзү ону билип, үнелеп, чоргаарланып чорууру чугула!
Ай-кыс биле Денберелдиң ийи дак­пыр тиилелгезиниң соонда, российжи социал четкилерде орус­тап-даа, тывалап-даа бижиир тыва бөлүктер часты берген деп болур! Ам бо хүннерде, тиилелге соонда, сагыш-сеткил көдүрлүүшкүнү, талантылыг уругларывыска, оларның башкыларынга болгаш бот-боттарывыс­ка безин байыр чедириишкиннеривис элээн чавырлып келзе-даа, оларның биске, тыва чонга, сөңнээн белээ, өөрүшкүзү Ай-кыс биле Денберелдиң чедиишкинин үлежир аас-кежик биске онаашканы — Тываның, тыва чоннуң төөгүзүнге алдын үжүктер-биле бижиттинип артып каар дизе хөөрем болбас!
Делегей чергелиг мөөрейге ийи дакпыр тиилелгени чедип алган уругларывыс Ай-кыс Кыргыс биле Денберел Ооржактың дугайында делегейде эң сайзыраан видеохостинг Ютуб-та (YouTube) оларның күүсеткен ырыларының адаанда комментарийлерни номчуур болза, оларның мөгейикчилериниң саны Ай-кыс­тың-даа, Денберелдиң-даа уран талантызын кайы хире үнелеп турары, оларга ынаа-даа көстүп кээр!
Чижээ, Ай-кыстың «Ты — супер!» мөөрейиниң чартык финалга ырлаан «Я падаю в небо!» деп ырызын НТВ-ниң ютуб-каналынга ноябрь 9-та салып каанындан тура, ам бо хүнге чедир 739619 катап көрген бооп турар. Ол дээрге чүгле НТВ-ниң ютуб-каналында Ай-кыстың күүселдезин аңгы салып каанын ол хире катап көрген бооп турары ол.

Делегейни дескиндир чоннуң бодалы
Ол-ла ютуб-каналда комментарийлерни номчааш, тыва кижи уран талантылыг уругларывыс дээш чоргаарланмас аргажок!
Надежда Бадмаева: Кто пересматривает без конца феерическое выступление Ай-Кыс? И Денберела?
Kuanysh Aitmukanova: Прослушала неизвестно сколько раз. И вкл. повтор- повтор… И так бесконечно.
Tanya Lazovskay: Постоянно пересматриваю записи Денберела, после этой программы добавиться Ай — Кыс.
amethyst eee: Каждый день с утра до вечера.
Викторзевс громовержец: бомба@!
Алексей Козинов: Действительно от этих талантов устать невозможно!!! СУПЕР! СУПЕР! СУПЕР! СУПЕР!!!
Лейла Цицкиева: Я тоже от них восторге. Особенно от Денберела.
Елена Татарова: Птичка, в первом эфире голос лился, как ручей, но сейчас просто огонь. Ты победитель на все 200 процентов девочка моя. Ты — супер девочка!
Ragina Malaya: Теперь мы знаем, что Ай-Кыс может без напряга исполнить поп, рок и нац. песни, как Денберел, действительно талантливые дети!
Lyudmila Taranenko: Обалдеть, слушаю уже 10 раз.Какой накал, какая экспрессия, идеальное исполнение этой песни. Ай-Кыс и Ооржак, вы — лучшие!
Валентина Семенова: С нетерпением ждала выступ­ление Ай-кыс! Какое неожиданное перевоплощение! Настоящая артистка! А вокал бесподобен! Какие талантливые дети в Тыве, Ай-кыс, Денберел! Низкий поклон и восхищение супер талантливыми педагогами! Действительно, Тыва рулит! Бравооо! Дальнейших творческих дерзаний всем вам! ЖДУ ФИНАЛА!!!
Дмитрий Назаров: Классно зажгла. Классно двигается, молодец. Я даже не заметил как уши стали болеть, как звук в наушниках на полную включил.
Gulnaz Baytenova: Как спела, а? Тувинский бриллиант! Талант! Удачи маленькая! Из Казахс­тана сәлем!
Berdy Artykow: Этот голос! Эта песня в ее исполнении — это больше чем просто спеть. Она живет в ней!
Светлана Асхадулина: Прям душу рвала на части этой песней, умничка. Столько энергии передала, столько харизмы, а главное старания. Молодец! Ты — супер, супер, супер!
Ludmila К: Просто бомба взорвалась! До сих пор в нирване нахожусь.
Ruzi Ruziana: У меня нет слов, ТАЛАНТИЩЕ!!!
Nana Shangina: Ай, как грамотно! В образе — от начала до конца. Пропустила через себя песню, поэтому так колбасит от ее исполнения. Настоящая артистка!
Nergal: Я не любитель этой песни, но как Ай-Кыс ее исполнила — это просто улет! Ты мой фаворит на этом проекте, так держать. Петь это — твое!
Ынчалдыр-ла муң ажыг комментарийлер чүгле чаңгыс бо ырның адаанда бижиттинген бооп турар.
Тывалардан Саяна Куулар бо чүүлдү эгелээн коронавирус дугайында киирилде-биле чүүлдештир бижээни база дыка шын болгаш ханы уткалыг болган.
Саяна Куулар: Все Ай-Кыс — Супер Тыва кызы, мне кажется, после твоей тувинской, шаманской, волшебной песни не то, что человечество, а даже вирусы коронавируса взорвались и исчезнут от нашей прекрасной Вселенной к чертовой матери. Ты все черти прогнала с планеты! Ты, ты, ты, только Ты — Ай-Кыс Кыргыс, только Тыва кызы — Супер. Нет СЛОВ.
Комментарийлер аразында Ай-кыстың салым-чолу дээш сеткилинден аарып, сагыш човап чоруур эриг баар­лыг көңгүс хары улус безин эвээш эвес бооп турар.
Светлана Лузинская: Потрясающая девчонка!!! Голос супер, такая мощь!!! Счастья тебе дорогая, хороших людей в жизни. Папа услышьте свою дочь, пожалуйста, она плачет.
Гульзада Асавбаева: Такая девочка! На взгляд такая хрупкая, а как запела: неведомая сила появилась в голосе, в характере! Дорогой Отец Айкыз!! Повернитесь к дочери! Она так переживает за Вас и брата! Гордитесь своей дочерью!!! Поддержите ее!

Сая-сая көрүкчүлерлиг
Ай-кыс биле Денберелдиң «Ты — супер!» мөөрейинге ийилээ тилээни төөгүлүг болуушкун апарганындан аңгыда, Денберел Ооржактың ол-ла мөөрейге ийи сезон улаштыр тиилеп турары база ховар, барык катаптантынмас төөгү бооп артып каар!
Денберелдиң баштайгы шилилге үезинде ырлаан, НТВ-ниң ютуб-каналында сентябрь 21-де салган Beggin ырызын ам бо хүнге чедир 1 сая 270 муң 259 катап көрген бооп турар. Ол дээрге ооң уран-талантызының мөгейикчилериниң саны ол хире хөй бооп турарын херечилеп турары ол. Ам бо эрткен мөөрейге чартык финалга болгаш финалга Денберелдиң ырлаан ырлары ютуб-ка база-ла миллион ажыг көрген апаар дээрзинге кандыг-даа чигзинниг турбас! Чүге дээрге ооң баштайгы тиилелгени чедип алган мөөрейге ырлаан «Паранойя» деп ырызын ютубтуң шупту каналдарында ам бо хүнге чедир көргени 5 сая чеде берген бооп турар! Ол дээрге төп радио-телевидениеден дүшпес чамдык улуг артис­терден безин хөй бооп турар!
Ынчангаш Россияның улустуң артизи, улуг композитор, продюсер, «Ты — супер!» мөөрейниң жюризин баштап турар Игорь Крутой Денберелге-даа, Ай-кыска-даа хамаарыштыр кандыг чылыг-чымчак сөстерни чугаалап турганын, олар улуг артистер болур деп оштап органын көрген, дыңнаан болгай бис. Денберел «Ты — супер!» мөөрейинге баштай тии­лээш, буян­ныг сеткилдиг деткикчилерниң ачызында Мос­к­ва хоорайда квартираны белекке алгаш, ам ында Игорь Крутойнуң академиязында база өөренип турарын билир бис.

Тываның Баштыңы уругларны деткээн
Ам бо удаада аңаа бажыңга үн бижиир аппаратураны Тыва Республиканың Баштыңы Шолбан Кара-оол бүгү Тываның, тыва чоннуң мурнундан белекке бергени кончуг төлептиг болгаш мактансанчыг болган! База-ла бүгү Тываның, тыва чоннуң мурнундан Кызыл хоорайга бүрүнү-биле дерээн чаагайжыттынган 2 өрээл квартираның дүлгүүрүн Шолбан Кара-оол Ай-кыска тывысканынга кижи өөрүвес, ону деткивес аргажок!
ТР-ниң Баштыңы «Ты — супер!» мөөрейге уругларывыс­ты деткип чеде бергени база онза болган! Ол дугайында Ай-кыстың : «Шолбан Валерьевич сценаже үнүп кээрге, бүгү Тыва чедип келген ышкаш болган!» — дигенинге немээр-тудар кандыг-даа сөс тывылбас. Аңаа адаарган, дарганы уруглавыстың чедиишкининге ушкашкан деп чөптүг эвес чемелээшкиннерни шуут буруу шавар болза эки! Чүге дээрге Денберел биле Ай-кысты езулуг ада кичээнгейге алган, оларны деткип, ону сеткилиниң ханызындан кылып чоруур даргавысты ынча дээрге, окта таарышпас!

Буянныг өг-бүлениң ачызы
Ол ышкаш Денберел биле Ай-кыстың уран талантызын бичиизинден-не илередип, оларны тып алгаш, чедиишкинден чедиишкинче дорту-биле чедип алгаш үдеп, уштап-баштап, чүгле уран чүүлге эвес, ажыл-амыдыралга база өөредип чоруур башкылары — буянныг өг-бүле Борис Салчак биле Ирина Моломдайга чүгле тыва чон эвес, бүгү делегейде ам Денберел биле Ай-кыстың хөй санныг мөгейикчилери өөрүп четтиргенин илередип чоруурун база-ла ютуб-тан, социал четкилерден номчуп, көрүп болур.
Бис база оларга каттыжып, төрээн Тывавыстың уран талантылыг чаш ажы-төлүн дилеп, тып, оларны буянныг чалгыныңар адаанче киирип алгаш, канчаар-даа аажок улуг бедиктерже, чедиишкиннерже углап-баштап чорууңар дээш Силерге улуу-биле четтирдивис, хүндүлүг Борис Балчирович, Ирина Сергеевна!
Силерниң ачыңар, удуртулгаңар-биле «Ты — супер!» делегей чергелиг ыры мөөрейиниң тиилекчилери Денберел Ооржак, Ай-кыс Кыргыс болгаш ам-даа оду удавас чырып кээр сылдыстарывыс, оолдарывыс, кыс­тарывыс төрээн чуртун — Тывазын, төрел чонун ам-даа делегейге «We are the Сhampions — Бис чемпионнар бис!» деп ырлап чорааш алдаржыдар дээрзи кандыг-даа чигзинниг чок.
«Сагыш-биле аарыыр, сүзүк-биле сегиир!» бурун шагда тыва өгбелеривистен келген үлегер домакты, үзел-бодалды сагып чоруур болзувусса, аарыг-хамчык, бергелер, шаптаараазыннар-даа биске моондак болбас. Бурунгаар депшилге, чедиишкиннер, сайзырал үргүлчү бистиң мурнувуста боор! Ону уран талантылыг чаш ажы-төлүвүс Ай-кыс биле Денберел үдеп турарывыс 2020 чылда чедип алган улуг тиилелгези, чедиишкини-биле бадыткап кагдылар! Тываның, тыва чоннуң 2020 чылда кол чедиишкини ол! Үдеп турарывыс 2020 чылга чедиишкиннер дээш четтирдивис, кел чыдар 2021 чылда олар оон-даа хөй боор болзунам!
Курай-курай!