ТР-ниң 2020 чылдың май 14-те хүлээп алганы № 598-ЗРТ хоойлузу езугаар республиканың албан-езу аттарын сайтыларга, сайтыларның арыннарынга, Интернетте, социал четкилерде доп-дораан медээлерни үлежир сервистерге ажыглаарын кызыгаарлаан. Ону ажыглаарда, чүгле тускай чөпшээрелди алыр. Ук чөпшээрелди алыр чурумну ТР-ниң Чазааның 2020 чылдың октябрь 8-те хүлээп алганы № 486 хоойлуда айыткан.
Бо хоойлуга дүүштүр чүгле ТР-ниң албан-езу аттары эвес, а оон укталган сөстер база хамааржыр.
Ук сөстер кирген сайтыларны, социал четкилерде бөлүктерни улаштыр ажыглаары-биле чөпшээредилгени ТР-ниң Баштыңының чанында Күрүне комиссиязынче дилегни бо чылдың декабрь 9-ка чедир киирер.
Мооң-биле алырга, «Тыва Республика, «Тыва», «Тува» деп аттар база оон укталып үнген сөстерни чөпшээрел чокка ажыглаар болза, административтиг торгаалды онаап болур. Торгаалдың түңү хамаатыларга 4 муңдан 5 муң чедир рубль, удуртукчуларга 5-6 муң, юридиктиг албан черлеринге 40-50 муң чедип болурун #Тыванын_аныяктары солунга дыңнаткан.

#законодательство #государственныесимволы #тыва #тыванын_аныяктары