Таңды кожууннуң девискээринге ажылдап турган хөмүр складын Чуртталга-коммунал ажыл-агый яамызынче шилчиткен. Амгы үеде ында септелге кылдынган болгаш, складтың ажыл-чорудулгазынга херек техниканың кээрин манап турар. Ол дээрге уургайдан хөмүр сөөртүр КАМАЗ чүък машиналары, хөмүрнү бажыңнарже дажыыр ГАЗ автомашина база хөмүрүнү чүдүрер погрузчик болур. Бо бүгү айыттынган техника складка кээрге-ле, Каа-Хем уургайындан хөмүрнү чонга сөөртүп эгелээр. Хөмүр-даш склады «Транспорт сервизи болгаш төлевилел» албан черинге хамааржыр болур.
Свежие записи
