Сүт-Хөл кожууннуң «Тергиин сиген кезикчизин» илередир мөөрей болуп эрткен. Маргылдаага кожууннуң сумуларындан сиген кезикчилери идепкейлиг киришкен. Тиилекчилерни ниити команда аайы-биле база хууда чедиишкиннери-биле илереткен түңнелинде, бирги черге Кара-Чыраа сумузундан Алим Монгуш төлептиг болган. Ийиги черни Кызыл-Тайга сумузунуң чурттакчызы Антон Сат ээлээн, үшкү черде база-ла Кара-Чырааның чурттакчызы Артыш Донгак болган.
Ниити команда аайы-биле бирги черге Кара-Чыраа сумузу төлептиг болган. Ийиги черни Ак-Даш сумузу, а үшкү черни Кызыл-Тайга сумузунуң командалары ээлээннер.
Оон аңгыда «Эң-не улуг назылыг сиген кезикчизи» деп атты Кызыл-Тайгадан Антон Сат чаалап алган, ол 64 харлыг. А «Эң-не аныяк сиген кезикчизи» атка Кара-Чыраадан 15 харлыг Жуков Соян төлептиг болган.
Алена Нан-Хоо белеткээн.
