Бо чылда Сарыг-Сепке 5, Суг-Бажынга 1 бажыңны тудары көрдүнген. Эрткен неделяда Сарыг-Сеп суурнуң Молодежная кудумчузунда 4-4 кижиден тургустунган 2 бригада тудугну эгелээн. Суг-Бажы суурнуң Салчак Допчут-оол кудумчузунда бажыңның таваан салгаш, кажаа-херимин кылган, ында 6 кижиден тургустунган бригада ажылдап турар. Бажыңны сибит-блоктар-биле кылыр. Каа-Хем кожууннуң чагырга чери «Тываэнерго» АН-же электрилиг хандырылганы чөпшээредири-биле чагыгны киирген.