Чаа-Хөл кожууннуң Наадым байырлалы суму бүрүзүнден малчыннарның, мөгелерниң, күш-ажылчы коллективтерниң байырлыг чыскаалындан эгелээн.

Чаа-Хөл суурда Эки турачылар стадионунга кожууннуң удуртулгазы мурнакчы көдээ ишчилерге күрүне шаңналдарын тывыскан. Чыылган аалчыларга солун концертти «Авыда» мода болгаш хеп театры, культура бажыңнарының ажылдакчылары бараалгаткан.

Ол ышкаш Наадым байырлалының үезинде спортчу маргылдаалар болгаш мөөрейлер эрткен.

Чаа-Хөл кожууннуң медээзинден Мира Конгул-оол белеткээн.
Чуруктарны социал четкилерден алган.
#наадым