Тываның агрокласстарында часкы ажылдар сезону эгелээн. Балгазын суурда база Чадаана хоорайда школаларның өөреникчилери теплицаларда практиктиг ажылдарда хаара туттунган. Школачылар 2,5 муң культураларны тараан, оларның аразында перец, томат болгаш янзы-бүрү чечектерниң хевирлери бар.
Бо бүгү ажылдар «Агроүлетпүр комплекизинде кадрлар» федералдыг төлевилел болгаш «Аъш-чемниң айыыл чок чоруунуң технологтуг хандырылгазы» национал төлевилел ёзугаар чоруттунуп турар.
Бистиң ышкаш агроүлетпүр комплекизи хөгжүлдениң стратегтиг угланыышкыны болуп турар регионга боттарының кадрларын белеткеп алыры чугула черни ээлеп турар. Аныяк аграржыларның планы – чүгле үнүштерни ажаар эвес, а культураларны өстүреринге экспериментилерни чорудары болгаш чер ажыл-агыйынга хамаарыштыр авторлуг методикаларны ажылдап кылыры.
