Бо чылын Кызыл кожууннуң часкы тарылга ажылдарында 13 ажыл-агый киржип турар. Тарылганың ниити шөлү 1895,9 га, ооң иштинде мал чеминиң культураларын 1517 га черге: чаңгыс чылдың оът-сигени — 1507 база хөй чылдың — 10 га. Картофельди 307,8 га, ногаа аймаан 71,1 га черге тарыыр.

Кожууннуң чагырга чери ажыл-агыйлар-биле сырый ажылдап, үрезин садып алырының керээлерин чарарынга, кывар-чаар чүүлдер садып алырынга деткимчени көргүзүп турар. Тус черниң 13 көдээ ажыл-агыйы ниитизи-биле 479,2 тонна үрезинни 22146,2 муң . рубльге садып алыр керээлерни чарган.

Үрезин сөөртүрүнге 6 хууда КАМАЗ марканың чүък машиналары бар. Амгы үеде 11 ажыл-агый үрезиннерин сөөртүп алган. 540 га черде мал чеми тарыттынган. 280 га черде картофельди база 35,8 га черде ногаа культураларын тараан.