«Улусчу картофель» төлевилели езугаар Ак-Довурак хоорайда 301 өг-бүлеге картофель үрезинин үлээр.
«Бис уругларывыс-биле «Улусчу картофель» губернатор төлевилелиниң киржикчилери болганывыска өөрүп тур бис. Орулгазы эвээш база хөй уруг-дарыглыг өг-бүлелерге ол дыка эки деткимче-дир. Хүн келген тудум, аъш-чем өртээ өзүп турар, ынчангаш картофельдиң дүжүдү чаагай болурунга идегеп турар бис. Огородта картофель — кышкы чедимче дижир болгай. Оон аңгыда огород ажылы уругларны күш-ажылга кижизидер» — деп, губернатор төлевилелиниң киржикчизи А. Саая чугаалаан.
Ак-Довурактың медээзинден А. Нан-Хоо белеткээн.
