Тываның Көдээ ажыл-агый яамызы уруглар ортузунга фото болгаш чураан чуруктар мөөрейин чарлаан. Мөөрейни көдээ ажыл-агыйжыларның профессионал байырлалын таварыштыр чарлаан болгаш, октябрь айның төнчүзүнде түңнээр.
Республиканың янзы-бүрү булуңнарындан уруглар «Алдын күс», «Көдээ ажыл-агый адырының ишчизи», «Дүжүт ажаалдазы» деп темаларга чуруктарны болгаш «Көдээ амыдырал объектив өттүр» деп фото-чуруктар мөөрейинче ажылдарын идепкейлиг чорудуп эгелээн.
