Чөөн-Хемчик: тускай шериг операциязының киржикчилеринге 200 баш шээр малды хүлээткен

Чөөн-Хемчик кожуунда тускай шериг операциязының киржикчилеринге 200 баш шээр малды хүлээткен. Ук кожуунда «2025-2030 чылдарда Чөөн-Хемчик кожууннуң девискээринге хой ажылының хөгжүлдези» муниципалдыг программаның боттанылгазы эгелээнин сагындыраал. Ооң кол негелдези – ийи чыл эрткенде, төлевилелдиң дараазында киржикчилеринге 200 баш хойну дамчыдары. Төлевилелге арат-фермер ажыл-агыйларның удуртукчулары база тускай шериг операциязының киржикчилери киржип болур.

Программаның боттанылгазы езугаар бо хүннерде тускай шериг операциязының киржикчизи, дайынчы хөделиишкиннер хоочуну Артыш Монгуш база Санды Монгушка 200 баш шээр малды хүлээткен.

Чөөн-Хемчик кожууннуң медээзинден Мира Конгул-оол белеткээн.
Чуруктарны социал четкилерден алган.

Предыдущая запись
В июне этого года Президент Владимир Владимирович Путин подписал закон о создании национального мессенджера
Следующая запись
Студенты из Тувы окончили ведущие московские вузы с отличием
Меню