Бо хүннерде Өвүр кожуунда 6726 га черде сигенни кескен. 6573 тонна мал чемин белеткээн, ооң иштинде 6517 тонна арыг сиген, 56 тонна хөй чылдыг тарымал сиген культуралары.

Сиген кезилдезинде 88 көдээ ажыл-агый техниказы хаара туттунган: 35 трактор, 24 сиген кезер машина, 16 дырбааш, 13 дүргек кылыр техника. Көдээ ажыл-агый бүдүрүлгелеринде 6 трактор, 4 сиген кезер машина, 2 дырбааш, 2 дүргек белеткээн техника бар. Машина-техниканың белеткели 100 хуу, артык кезектери четчир, техниканың септелгезин бүрүнү-биле чоруткан.