«Улуг гастрольдар» программа езугаар Тываже Карелияның Хөгжүм театры аалдап кээр. Май 31-де В. Көк-оол аттыг национал театрга «Жизель» легендарлыг чогаалды Карелияның балет труппазы бараалгадыр. Ында Тывадан аныяк балет артистери Вивияна Оюн биле Чингис Монгуш ойнап турарын сагындыраал.

Вивияна биле Чингис – Бурят күрүнениң хореографтыг колледжиниң доозукчулары, А.В. Шатин аттыг уругларның хореография школазынга өөренип турган.

Вивияна Оюн бурят балеттиң Примазы, РСФСР-ниң Улустуң артизи Екатерина Самбуеваның клазынга өөренген. Ол ышкаш бирги балет артистериниң российжи-япон мөөрейиниң дипломантызы.

Чингис Монгуш – балет танцызының делегей чергелиг мөөрейиниң киржикчизи, Моолдуң II-ги бүгү делегей мөөрейиниң үшкү премиязының лауреады.

Амгы үеде Вивияна биле Чингис – Карелияның хөгжүм театрының балет труппазының артистери.

В. Көк-оол аттыг национал театрның медээзинден Алена Нан-Хоо белеткээн.
Чуруктарны социал четкилерден алган.