Улусчу чогаадылга бажыңынга культура ажылдакчыларының хүнүнге тураскааткан байырлыг хемчег болуп эрткен.
Аңаа хоочуннары, музейлерниң, ном саңнарының, хөгжүмнүң болгаш ыры-самның коллективтери база өске-даа албан черлериниң ажылдакчылары чалатканнар.
Республиканың культуразынга болгаш сайзыралынга улуг үлүг-хуузун киирип чоруур культура ишчилеринге байырлал таварыштыр изиг байыр чедирип, Хүндүлел бижиктерни болгаш хөрек демдектерин тывыскан.
Ат-алдарлыг артистер база уран чогаадыкчы коллективтер боттарының оюн-көргүзүглери-биле байырлалды аян киирген.
«Бистиң ажылывысты үнелеп турары дыка өөрүнчүг-дүр. Бо хүн биске, Тува 24 телеканалдың техниктиг бөлүүнге, «Чылдың болуушкуну» деп атка шаңналды тывысканы дээш ТР-ниң Культура болгаш туризм яамызынга четтиргенивисти илереттивис. Байырлал-биле!» — деп, «Тува24» телеканалдың аныяк ажылдакчызы Чай-Хаан Донгак чугаалаан.

#культура_ажылдакчыларының_хүнү #культура #тува24
#тыванын_аныяктары