Ниитизи-биле грантыга киржири-биле, 31 кижи чагыгны киирген. Оларның аразында доктаамал культура болгаш уран чүүл адырында ажылдап чоруур хууда сайгарлыкчылар, бодунга ажылдап турар хамаатылар, юридиктиг албан черлери (НКО-дан аңгыда) бар. Чагыглар бүрүзүн үнелеп көрген соонда, тиилекчилерни илереткен. Мөөрейниң түңнелинде Аяс Кагай-оолдуң «Номга тураскаал» төлевилели 300 муң рубльди, Олег Хомушкунуң «Тыва хомус» төлевилели 200 муң рубльди алган.
Аяс Кагай-оол грантының акша-хөреңгизин скульптурлуг композиция кылырынче, материалдар садарынче чарыгдаар, а Олег Хомушкунуң грант акшазы мастерскаяның дериг-херекселдерин садып алырынга көрдүнген.
