Кызылдың 9 дугаар гимназияда Шагаа байырлалынга уткуштур мөөрейлер уламчылап турар. 5-8 класстарның оолдары тевек тевер база аът шалбадаар маргылдааларга киришкеннер.

Оолдар тыва национал оюннуң бирээзи, Шагааның чаңчылчаан мөөрейи – тевек теверинге ачыр-дачыр тудушкан түңнелинде, бирги черни 8 «в» коасстың өөреникчизи Тамерлан Хомушку ээлээн. Ол тевекти 190 катап тепкен. Ийиги черге 7 «б» класстың өөреникчизи Алдар Ажы төлептиг болган, ол 179 катап тепкен. Ташдок Куулаар 68 катап тевекти тепкеш, үшкү черни ээлээн.

Аът шалбадаарынга бирги черни 8 «а» класстың өөреникчизи Доскаар Долаан ээлээн, ийиги черде 8 «б» класстан Аганак Кинин, үшкү черде 8 «в» класстан Тамерлан Хомушку болганын сагындыраал.

«Элээди журналист» бөлгүмү

#шагаа17 #движениепервых17 #годЕдинстваНародовРоссии #мыроссия