Мөңгүн-Тайга кожууннуң Кызыл-Хая сумузунда чаа школа тудуу эгелээн. Ук черниң даг-техниктиг байдалы белен эвес.
Амгы үеде ында суг скважиназын өрүмнээн. Тудугда тус черниң чурттакчылары хаара туттунган. Школаның төлевилели чаңгыс аай стандарттың. Шак-ла ындыг школалар Ийи-Тал, Ак-Эрик сумуларда туттунган. Амгы үеде суурда 258 өөреникчи бар, олар чаа школаның ажыттынарын четтикпейн манап турарлар.
Ол дугайында Тываның Баштыңы Владислав Ховалыг бодунуң блогунда бижээн.
А.Нан-Хоо.
