Ак-Довурак хоорайда «Демография» национал төлевилел езугаар 60 олуттуг уруглар садының тудуун доозуп турар. Уруглар садын амгы үениң эт-херекселдери-биле дериир. Бөлүк бүрүзү ойнаар комнаталыг, буфеттиг болгаш сантехниктиг зонадан тургустунар. Бо хүннерде уруглар садының фасады болгаш иштики ажылдары барык доозулган. Оран-саваның ханаларын дескилээн, шалазының керамиктиг плиткаларын будаан. Уруглар садының девискээрин чаагайжыдар ажылдар болгаш ойнаар шөлчүгештерни тургузары арткан.
Ак-Довурак хоорайда чаа туттунуп турар уруглар сады 8 дугаары болур. Тываның ийи дугаар улуг хоорайында чыл санында чаштар немежип турары-биле, уруглар садының тудуу актуалдыг болуп артпышаан.
Чаа уруглар садын ажыглалче киирерге, ясли-садтарже оочур база эвээжээри чугаажок.
