Бо чылын республикага 10 өөредилге черлерин тударынга федералдыг төп деткимчени көргүскенин Тываның Баштыңы Владислав Ховалыг дорт эфир үезинде чугаалаан.
Амгы үеде Балгазын, Бай-Хаак, ыраккы Каа-Хемде болгаш Спутникте, Мөңгүн микрорайонда, Вавалин ээтпээнде школалар туттунуп турар. Оон аңгыда Сукпак биле солагай талакы дачалар аразында база Кызыл хоорайның Бай-Хаакская кудумчузунда школалар тудуу шалыпкын чоруп турарын сагындыраал.
Келир чылын Чадаана хоорайга база Кызыл-Хая суурга чаа школалар тудуглары эгелээр.
