Ол ышкаш 10 сая рубльди биче болгаш ортумак бизнестиң сайгарлыкчыларынга бараан бүдүрүлгезин чаартыр болгаш сайзырадыр сорулга-биле дериг-херекселдер садып алырынче чарыгдаар. Бо чылдың август 9-та хууда 5 сая рубльге дериг-херексел садып алыр күзелдиг сайгарлыкчыларга акша-хөреңги-биле деткимче көргүзери-биле мөөрейни чарлаан. Өртээнден 50 хуузунга деткимчени көргүзүп болур аргалыг. Бо таварылгада дериг-херекселди бүдүрүп үндүрген хүнү 2020 чылдың январь 1-ден эрте болбас ужурлуг.
Оон аңгыда 10 сая рубльди лизинг-биле дериг-херексел, тускай техника садып алыр керээни чарып турда, бирги дадывырын төлеп алырынче чарыгдаар. Ол дээрге көдээ ажыл-агый техниказы, турисчи адырның сайгарлыкчыларынга мототранспорт техниказын садып алырынга лизинг керээлери бооп болур. Субсидияның хемчээли бирги дадывырның 50 хуузунга дең болур, ынчалза-даа бир сайгарлыкчыга 3 сая рубльден көвүдевес, а техниканың ортээнден 25 хуу ашпас болур. Бо талазы-биле мөөрейни август 16-да хууда сайгарлыкчылар ортузунда чарлаан.
Субсидияларже чагыгларны «ТР-ниң Бизнес-инкубатор» албан черинде, республиканың сайгарлыкчыларга деткимче көргүзер фондузунда, ТР-ниң девискээринде күрүне болгаш муниципалдыг ачы-дуза чедирериниң хөй ажыл-чорудулгалыг төвүнде хүлээп ап турар. Адрези: Кызыл хоорай, Тыва эки турачылар кудумчузу, бажың 18, 2-ги каът. Ажыл хүннеринде 9.00 – 18.00 чедир хүлээр.
8 800 350 6201 дугаарлыг «изиг шугум» дугаарынче долгааш, айтырыгларны салып болур. Оон аңгыда ажыл хүннеринде 9 шактан 18 шакка чедир 3-60-18, 2-17-67 дугаарлыг ажылчын телефоннар таварыштыр харылзажып болур.
ТР-ниң Экономика яамызының информациязындан Мира КОНГУЛ-ООЛ белеткээн.
Чурукту Интернеттен алган.
#реальные_дела #федеральнаяподдержка #врио #ховалыг #тыванын_аныяктары
