Россия Федерациязының Чырыдыышкын яамызы 2025/2026 өөредилге чылында чаңгыс аай күрүне шылгалдаларының минималдыг баллдарын бадылаан.
РФ-тиң Чырыдыышкын яамызының дужаалы-биле 2024/2025 өөредилге чылының доозукчуларының педагогтуг дээди өөредилге черлеринче кирерде, чаңгыс аай күрүне шылгалдаларынга дужаап алыр минималдыг баллдары бадылаттынган. Ук дужаалды яамының хоойлу-дүрүм медээлериниң албан езу порталында чырыткан.
Документ езугаар алырга, орус дыл болгаш обществознаниеге 42 балл, математика, физика, биология болгаш химияга – 39, төөгү – 35, литература болгаш географияга – 40, информатикага – 44 баллды дужаап алыры чугула.
Россияда яамыга хамаарышкан 38 педагогтуг дээди өөредилге черлери бар.
Чурукту социал четкилерден алган.
