Кызыл хоорайга Енисейниң хүнүн байырлаан. Янзы-бүрү хемчеглерниң аразында экологтуг акциялар болгулаан. Оларның аразында дыңнаары багай уругларның школа-интернадының кижизиттирикчилери Улуг-Хемниң эриин дургаар арыглап, акцияга идепкейлиг киришкеннер.
Эко-субботниктиң соонда, уругларны чаагай дүштеки чем манап турган: амданныг балык мүнүн хову күхнязы хайындырган.
Уругларга Енисейниң дугайында тайылбырны кылган. Ол — делегейде эң-не улуг хемнерниң бирээзи. Биче болгаш улуг Енисейниң каттышкан черинден Карск далайга чедир 3487 км.
Тываның Өөредилге яамызының медээзинден А. Нан-Хоо белеткээн.
Чуруктарны социал четкилерден алган.
