Бичиивистен тура Чаа чылдың хуулгаазынын манап, онзагай байырлал деп билир бис. Чаа чыл – хуулгаазынныг күштү сөңнээр, күзелдерни бүдүрер, чаа-чаа планнарны тургузар онзагай байырлал. Шупту улус чылды түңнээр, Чаа чылдың дүнезинде чаа күзелдерни бодап алыр.

Бо Чаа чыл байырлалын уткуштур, бир дугаарында, тускай шериг операциязында киржип турар чаңгыс чер чурттугларывыс, акыларывыс, даайларывыс, ачаларывыс онча-менди чанып кээрин күзээр мен.

Ол ышкаш шылгалдаларны эки дужаагаш, улаштыр өөренир мен. Дээди эртемни чедип алгаш, шупту даай-аваларым ышкаш шииткекчи болур күзелим улуг. Амдыызында күзелдерим ол.

Аймира ОНДАР.
Кызыл хоорайның 9 дугаар гимназиязының 9 «а» клазының өөреникчизи.
«Элээди журналист» бөлгүмү.

Чурукту Интернеттен алган

#гимназия9 #движениепервых17_школа9 #ЁлкаПервых17 #ЁлкаЖеланий2025