Чаа чыл байырлалында шупту кижилер боттарының күзелдерин бодап алыры чаңчыл апарган. Ол чаңчыл өг-бүле бүрүзүнде доктаай берген. Чаа чыл байырлалын уткуштур күзелдерим хөй.

Бир-ле дугаарында, школаны чедиишкинниг доозуп, күрүне шылгалдаларын дужаап алыры – эң-не кол күзелдеримниң бирээзи.

Оон аңгыда Чаа чыл таварыштыр авамга чараш белекти садып бээр мен. А эң-не кол чүве – авамның база бистиң шуптувустуң кадыкшылы быжыг, аас-кежиктиг болуру.

Школаны дооскаш, эмчи талазынче дужаап кирер күзелдиг мен. Авамның база бир күзели ол, ынчангаш авамның сеткилин кезээде өөртүп чоруур дээш кызыдар мен.

Тумен-Сылдыс.
Кызыл хоорайның 9 дугаар гимназиязының 9 «а» клазының өөреникчизи.

«Элээди журналист» бөлгүмү.

Чурукту Интернеттен алган