Движение Первых | Тыва уругларның болгаш аныяктарның хөй-ниити организациязының дыңнадып турары-биле алырга, Алабуга Camp. аныяктар шуулганынга Тывадан төлээлер киришкен.

Татар Республикада «Алабуга» экономиктиг зона Россияның девискээринде эң-не чедиишкинниг черлерге хамааржыр. Чоокта чаа «Алабуганың» девискээринге «Алабуга Camp. Открывая Россию» аныяктар шуулганы болуп эрткен. Аңаа Улуг-Хем кожууннуң Движение Первых | Тыва тус чер салбырының кежигүннери Айдана Шыырапай база Эвелина Беркиханова киришкен.

Аныяктар «Изобретатели» деп сменаның ажыл-чорудулгазының киржикчилери болган. Сменаның киржикчилери Россияның регионнарының чаартылгалыг чедиишкиннери, тренингтер, «Искусственный интеллект. Будущее рядом» кейс-чемпионат-биле танышкан.

Тема аайы-биле өөредиглиг блоктардан аңгыда, программаже мастер-класстар, профориентациялыг хемчеглер, аян-чоруктар, кибер-турнир кирген.

Мира Конгул-оол белеткээн.

Чуруктарны социал четкилерден алган.