Тываның Баштайгылар шимчээшкининиң дыңнатканы-биле алырга, Айхээ Долгар – #ЛитературлугМарафон ниити-российжи төлевилелдиң тиилекчилериниң санынче кирген. Ол — Сарыг-Септиң 1 дугаар школазының доозукчузу. Тываны бүгү-российжи #ЛитературлугМарафонга төлээлээн. Ооң Совет Эвилелиниң Маадыры Михаил Бухтуевтиң маадырлыг чоруунуң дугайында бижээн чүүлү «Баштайгылар» шимчээшкининиң «Бирги одуруглар» мөөрейинче кирген.
Айхээ Долгарның бижээн сценарийинде 1944 чылдың маадырлыг болуушкунун чугаалап турар. Кажан Т-34 экипаж Бухтуевтиң удуртулгазынче киргенде, Белоруссияда «Кара кежиглер» станциязының адаанга немец бронепоездини узуткаан. Ооң-биле дайзынның халдаашкынын соксаткан. Бо маадырлыг чорук танк шавар халдаашкынының төөгүзүнде арткан.
Айхээ Долгар Баштайгылар шимчээшкининиң Литературлуг Марафонунга Тываны чедиишкинниг төлээлээнин сагындыраал. Ол Баштайгылар шимчээшкининиң Баштаар чериниң даргазы Артур Орловтан Дипломну алган. Литературлуг марафон үезинде мастер-класстарга, сайгарылгаларга, чогаадыкчы ужуражылгаларга киришкен. Михаил Бухтуевтиң маадырлыг чоруунуң дугайында сценарий – эксперттерниң болгаш киржикчилерниң хей-аъдын көдүрген.
Дипломнарны болгаш шаңналдарны Чепсектиг күштерниң төп музейинге байырлыг байдалга тывыскан.
Мира КОНГУЛ-ООЛ
Баштайгыларның чуруктары
