Каа-Хем кожууннуң девискээринде уругларның кадыкшылга лагерьлерин хынап эгелээнин чагырга чери дыңнаткан.

Комиссия «Бельбей» стационар лагериниң чайгы кадыкшыдылга кампаниязынга белеткелин хынаан. Лагерьниң ажылдакчылары корпустарны чугалайлап, дозулап турар. Апрель айда кол белеткел ажылдарын чорудар. Ук лагерьде чылдың-на 150 уруг дыштанып турар.

Уругларның кадыкшылга лагерьлериниң хыналдазы май айның төнчүзүнге чедир доостур.

2025 чылда уруглар дыштанылгазын болгаш кадыкшылгазын организастаарынче 175 лагерь кирген. Ол лагерьлер эрткен чылга деңнээрге 530 уруг хөй, азы 18363 уругну хүлээп алыр.

149 хүндүскү, 22 стационар база дөрт майгын лагериниң баазазынга уругларның дыштанылгазын организастаар. Күрүне албан черлериниң ажылдакчыларының прфоэвилели база кадыкшылы кызыгаарлыг уругларның Хөндергейниң школа-интернады бо чылын ийи – «Серебрянка» биле «Ыраажы-Хем» стационар лагерьлерни ажыдарын дыңнаткан.

Хүндүскү лагерьлерни июньнуң 1-3, стационар лагерьлерни июнь 5-17 хүннеринде, а оларга хамааржыр майгын лагерьлерни июнь ортан үезинде ажыдары планнаттынган.

Тываның лагерьлери профилактика бүрүткелинде уругларны база дыштанылгаже хаара тудар. Кадыкшылының байдалы-биле харык-шинээ кызыгаарлыг 1800 ажыг уруг школа чанының, стационарлыг база майгын лагерьлеринге дыштаныр аргалыг.#тмг

Чуруктарны социал четкилерден алган