Тываның күрүне университединде «Чурагайлыг дыштанылгалар» шуулганы 2-ги хүн уламчылап турар.
Аңгы-аңгы шөлдерге «Кылымал угаан», «Келир үениң мергежили», «Тывада киберспорт», «Телефонда капсырылгалар», «Робототехника» дээш өске-даа темаларга лекция, мастер-класстарны сургуулдар болгаш Аныяктар херектериниң талазы-биле агентилелдиң кол эксперти Артыш Тюлюш эрттирип турарлар.
Компьютерге болгаш информастыг технологиялар дугайында эки билип алыксаан өөреникчилер, сургуулдар кээп, сонуургаан айтырыгларын салып турганнар.
«Эштерим болгаш клазывыстың башкызы-биле шуулганга келдивис. Болуп эртип турар мастер-класстар дыка солун-дур. Келир үеде мергежил шилиири болгаш Тывада киберспорт темазын дыка сонуургадым» — деп, Кызылдың дугаары 16 лицейиниң 7 «в» клазының өөреникчизи Дияна Даңгыт чугаалаан.

#цифровыевыходные #форум #ТГУ #тыванын_аныяктары