Дмитрий Ооржак – 8 «г» класстың өөреникчизи, «Кадык салгал» республика чергелиг мөөрейниң киржикчизи. Бичиизинден тура спорттуң шупту хевирлеринге ынак, кожуун-республика чергелиг мөөрейлерниң хөй удаа тиилекчизи, школаның баскетбол, бут бөмбүү, бокс, чиик атлетика дээн ышкаш маргылдааларының доктаамал киржикчизи.

Дыка хөй элээди оолдарга үлегерин көргүзүп, оларны спортчу орукче киирген. Бүзүрелдиг өңнүк болгаш дагдыныкчы. Ол бодунуң үлегер-чижээ-биле эш-өөрүнге спортчу кижи кадык, сергек, модада деп бадыткаан.

Дмитрий Ооржактың мөөрейге белеткелинге школаның социал педагог башкылары дузалажып, деткимчени көргүскен.

Ак-Довурактың 1 дугаар школазының материалындан Алена Нан-Хоо белеткээн.

Чурукту Интернеттен алган