Анестезиолог-реаниматолог эмчилер Олзей Кан-оолович Сат биле Евгения Джековна Дадар-оол Россияда Өг-бүле чылында кудазын эрттиргеннер.
Евгения Республиканың 1 дугаар эмнелгезиниң реанимация болгаш анестезиология салбырында ажылдап турар, а Олзей – Республиканың уруглар эмнелгезинде реанимация болгаш интенсивтиг терапия салбырының эргелекчизи.
Аныяк эмчилер берге байдалдыг бичии чашты камгалап тургаш, операция залынга бир дугаар ужурашканнар. Кады ажылдажылга оларны чоокшулаштырып, чоорту күштүг ынакшылче шилчээн.
Амгы үеде аныяк өг-бүле 2 уруглуг. Тываның Кадык камгалал яамызының коллективи өгленишкен аныяк эмчи коллегаларынга байырын чедирип, узун, аас-кежиктиг амыдырал-чуртталганы күзээннер.
Тываның кадык камгалал яамызының медээзинден Алена Нан-Хоо очулдурган.
