Бүгү-россияның ада-иелер комитединиң IV хуралынга ада-иелерниң бот-идепкейжи каттыжылгалар мөөрейиниң ийиги сезонун түңнээн. Аңаа Тывадан 18 төлевилел шаңналдыг черлерни ээлээн. Ниитизи-биле Россияның 85 субъектизинден 1015 ада-ие комитеттери мөөрейге киришкен. Оларның аразында бистиң республикавыстан 18 школа бар.

Кызыл-Хая суурнуң школазы «Аныяк сарлыкчының школазы» төлевилели дээш 2 сая рубльди алыр. Олар сарлыкчы мергежилдиң ат-алдарын бедидер база мергежил шилип алырынга таарымчалыг байдалдарны тургузар сорулгалыг. Оон аңгыда 500-тен 1 сая рубль чедир премияны 8 школа ойнап алган. Оларга «Күзелдеривистиң театры», живой уголок «Буянныг чоруктуң өзүмү» дириг булуң, «ZaСвоих» ада-иелерниң дааранылга мастерскаязы, «Ада-иелерниң агрошколазы», «Солдаттың ук-салгалы» школаның музей клазы, «Кады аян-чорук: ажыдыышкыннарның болгаш солун болуушкуннарның слёду», «Өг-музей: биче төрээн чуртунга ынакшыл болгаш патриотчу кижизидилге девискээри», «Улусчу уран чүүл болгаш культурлуг салгал: тыва ча-согундан адары» деп төлевилелдер хамааржыр. Тиилекчилерниң аразында Ак-Чыраа, Хову-Аксы, Бурен-Хем, Теве-Хая, Кызыл-Мажалыктың 1 дугаар, Чыргакы, Берт-Даг, Кызылдың 4 дугаар, Ак-Талдың школалары бар. Олар 200-тен 500 чедир түңнүг премияны алыр.

Мөөрейниң организакчылары – РФ-тиң Чырыдыышкын яамызының деткимчези-биле «Билиг» каттыжылгазы.

Мира Конгул-оол белеткээн.

Чурукту социал четкилерден алган.