Саглы ортумак школазы
90 чылдаан байырлалывыс
Солун, хөглүг демнии-биле
Доозавыс уткуп тур бис.

Бичии чаштар уругларга
Билиг, күжүн берип чоруур
Чогаадыкчы ажыл-иштиг,
Чоргааранчыг коллектививис.

90 чылдар дургузунда
Доозукчулар — өөреникчилер:
Эмчи, башкы, артистер дээш…
Чеже кижи дооспаан дээр!

Школа дээрге эртем-билиг
«уязы»-дыр.
Школа дээрге ийи дугаар
бажыңывыс.
Башкы дээрге хүндүткелдиг
мергежил-дир.
Башкы дээрге чечен-мерген
чогаалчы-дыр.

Арыг-силиг, чылыг… дээштиң,
Ажылынга кызымаккай,
Ажыл-ишчи, хөглүг-баштак —
Аштакчылар, одакчылар.

Саглы суурда школавыс
Сайзыразын, хөгжүп турзун!
Чедиишкини, алдар-ады
Чергелештир көвүдезин.

Башкыларның байырлалы,
База дакпыр 90 чылда
Аас-кежик, өөрүшкүнү
Алгап-йөрээп күзеп тур мен.

Лориса Саая.
Хоочун башкы