«Россияның бичии эзирлери» II бүгү Россияның башкылар шуулганы «Орлёнок» уруглар төвүнге эрткен. Аңаа чурттуң өөредилге адырындан билдингир эксперттер, арга-дуржулгалыг башкылар, ада-иелер киришкен.
Тываны Эрзин кожууннуң Сарыг-Булуң суурунда ортумак школаның башкызы Севил Бапаа төлээлээн.
«Өске регионнардан коллегаларым-биле таныжып, чаа-чаа чүүлдерни билип алдым. Шуулганга киржикчилер боттарының арга-дуржулгазы, шинчилелдери, санал-бодалдары-биле солчуп турду. Кижи бүрүзү бодунга ажыктыг чүүлдерни билип алган. Шуулганның эп-демниг хамаарылгазы, команданың чаңгыс аай үзел-бодалы бистиң хаара туткан» — деп, Севил Бапаа демдеглээн.
Ук шуулганга бистиң республикавыстан башкылар ийи чыл улаштыр киржип турарын сагындыраал. Эрткен чылын Тываны Кызыл хоорайның 5 дугаар школазының башкылары төлээлээн.
