Бо чылын Тываның улустуң чогаалчызы, уругларга чараш чогаалдарның автору, этнограф (чоннуң ёзу-чаңчылдарын өөренип шинчилээр эртемден), төөгү эртемнериниң доктору Монгуш Борахович Кенин-Лопсанның төрүттүнгенинден бээр мугур 100 чыл болган оюн Тывавыста калбаа-биле демдеглеп эрттирип турар.
Ук ажылдан национал школа хөгжүдер институт база чыда кагбайн, 7-11 класстың өөреникчилериниң болгаш ортумак өөредилге черлериниң сургуулдарының аразынга “Бурунгу болгаш амгы Тыва” деп аттыг эртем-практиктиг конференцияны эрттирген. Аңаа киржир күзелин илередип, таптыг-ла чүс ажылды республиканың аңгы-аңгы булуңнарындан уруглар чоруткан турган.
Конференцияның иштинде дыл, чогаалга хамаарылгалыг илеткелдерни тускайлап, аңгы секцияга дыңнаан. Аңаа ниитизи-биле чээрби ажыл бижиткен, ынчалза-даа аңгы-аңгы чылдагааннар-биле үш киржикчи кээп шыдаваан. Ынчангаш он чеди киржикчи боттарының кылган эртем-шинчилел ажылдарын Кызыл хоорайга кээп илеткээннер. Киржикчилерниң ажылдарын үш жюри кежигүнү дыңнап үнелээннер.
Долузу-биле #тыванын_аныяктары солуннуң июнь айда үндүрүлгезинде
