Тываның Баштыңы Владислав Ховалыг дорт дамчыдылга үезинде 1-4 класстарга тыва дыл болгаш чогаал номнарын парлап үндүрер деп шиитпирни хүлээп алганын дыңнаткан.
– Тыва дылды кадагалап арттырар болгаш хөгжүдер талазы-биле эчис сорулганы хүлээп алган бис. Ноябрь 1-де, Тыва дыл хүнүнде, эчис сорулганың боттандырылгазын эртемденнер болгаш тыва дыл башкылары-биле сайгарып, ажык чугааны кылыр бис.
Бистиң эртемденнеривистиң ажылдап кылган өөредилге номнары школаларывыста чок болуп турар. Школалар ийи дылдыг өөредилгеже шилчип, өөредилге планынче тыва дылды киирген. Бо хүнде 21 школа тыва дыл кырынга кичээлдерни эрттирер шиитпирни хүлээп алганы дыка эки көргүзүг-дүр.
