Улуг-Хем кожууннуң чагырга чериниң дыңнадып турары-биле алырга, чайгаар үнген сиген суггаттыг черлерде бедии 18-25 см, суггат чок черлерде 15-18 см болурда, тайыс үнген.
Бо хүннерде кожуунда ниитизи-биле 1800 гектар шөлден 1650 тонна сигенни кезип белеткээн.
Хөй чылдыг тарымал сигенни фермерлер Ш.Ч. Монгуш 7 тоннаны, М.С. Данзы-Белек 7 тоннаны, хууда дузалал ажыл-агыйлыг чурттакчылар 10 тоннаны кезип белеткээн.
Чайгаар үнген сигенни фермерлер 762 тоннаны, хууда дузалал ажыл-агыйлыглар 864 тоннаны кезип белеткеп алган. Сиген кезилдезинге 28 трактор, 19 кезер, 15 дүрер техниканы ажыглаан болгаш, 9 чүък машиназы ажылдаан. Механизастаттынган 18 бригадада 210 кижи, хол кадыыры-биле кезер 12 кижи мал чеми белеткээр ажылдарда хаара туттунган.
Кожууннуң курлавыр сигенин 50 тоннаны белеткээри планда көрдүнген. Бо хүнде 30 тоннаны фермер ажыл-агыйлыг Ш.Ч. Монгуш белеткээн.
