«Социал активчи чорук» федералдыг төлевилелди боттандырары-биле «Өөредилге» национал төлевилелдиң иштинде хамааты ниитилелди хөгжүдери, эки турачыларның үлүг-хуузун камгалап, ону сайзырадыры-биле, 2020 чылдың декабрь 4-5-те Эки турачының хүнүнге тураскааткан, #МЫВМЕСТЕ деп аттыг марафон эртер. Марафон онлайн болгаш офлайн-хевирге болур.
Марафоннуң планы езугаар онлайн-хевирге ажыл-херекчи, культурлуг, оюн-тоглаалыг хемчеглер хөй. Ол ышкаш «Россияның эки турачызы-2020» Премияның шаңналын онлайн-платформага тыпсыр.
Онлайн-марафонга Бүгү-россияның эки турачы каттыжыышкыннарының болгаш төлевиледериниң лидерлери, удуртукчулары, «мөңгүн эки турачылар», Future Team Бүгү-делегей чергелиг аныяктар шимчээшкининиң кежигүннери, даштыкы күрүнелерниң эки турачы каттыжылгаларының төлээлери, «Россияның эки турачызы-2020» мөөрейниң киржикчилери, медиакаттыжылгаларның төлээлери болгаш оон-даа өскелер киржир.
Офлайн-хевирге улуг байырлалды Россия Федерациязының шупту регионнарынга организастаары көрдүнген. Аңаа ачы-дуза фондуларынга езулуг волонтержу чорукту көргүзүп, КХО болгаш эки тура ажылын чорудуп турар организацияларга дуза кадары чугула дээрзин дыңнаткан.

#мы вместе #марафон #тыванын_аныяктары #сылдысчыгаш